أحمد سعد عن طليقته علياء بسيوني: أعظم القوى في حياتي
كشف الفنان أحمد سعد دور طليقته علياء بسيوني في حياته ومسيرته الفنية، وعن أسباب انفصاله للمرة الرابعة في حياته وهل مستعد لتكرار تجربة الزواج مجددا؟.
أسباب انفصال أحمد سعد وعلياء بسيوني
أكد أحمد سعد في لقاء مع الإعلامي محمود سعد في برنامج "Sold Out"، أن طليقته علياء كانت من أعظم القوى في حياته، مشيرا إلى أنها قدمت له الدعم والتحفيز، وعملت على تغيير مسار حياته.
وعن أسباب انفصالهم، كشف أحمد سعد أن الأسباب ترجع إلى الضغوط المهنية والتحديات التي واجهوها، فقال: "اللي حصل بعد كده ابتدى يبقى الشغل كتير، وهي حبت الشغل معايا، ابتدى الشغل ياخد من حياتنا الأسرية، هي شخص مجتهد ومحترم جدا، أنا قعدت أجاهد عشان حياتنا الشخصية ولو أنا أناني كنت كملت حياتي؛ لأن أنا الوحيد المستفيد".
تأثير علياء بسيوني في حياة أحمد سعد
وأوضح أحمد سعد أن زوجته السابقة كانت شريكة حياته ومحركه الأساسي، فقال: "كانت الزوجة الرابعة لحد دلوقتي، وأنا كده تمام مش عايز أتجوز تاني، علياء كانت من أعظم القوى في حياتي، عملت لي كل التغيير في حياتي".
وتابع قائلاً: "أنا عندي وجهة نظر أن الست هي المحرك الرئيسي والأساسي للراجل، أي راجل كان عظيماً كانت الست دافعين ليه وأي راجل كان فاشلاً كانت الست اللي خلته كده، هي عملت إيه، هي ست لا تكل ولا تمل هي شايفة إن دا الصح هتقولك لازم تعمله، الست عندها قدرة مهولة في الزن، عندها هدف هتعمله يعني هتعمله، هتيجي تقولك أنت مخرجتنيش، وتفضل تكررها فخلاص هتخرجها".
صبر علياء بسيوني
وأشاد أحمد سعد خلال حواره مع الإعلامي محمود سعد بصبر زوجته السابقة علياء بسيوني مشيرا إلى أنه كان من أهم سماتها.
وأكد أحمد سعد أن زوجته السابقة كانت تعمل بجد، وتقدم نصائحها بحكمة، لافتا إلى أن الصبر والتفاني كانا جزءًا من نجاحهما سويًا، وهما أيضًا أساس العلاقات الناجحة.
وقال عن فترة زواجهم: "الست عندها القدرة دي ولو القدرة دي اتحولت لإيجابيات، أنا في الأول لما كنت بسمع منها كنت بقول أنا عارف أنا بعمل إيه وسيبيني أنا هقرر، تيجي تاني يوم وأقولها خلاص".
واستكمل أحمد سعد قائلا: "كان عندها صبر مهول، واعتقد الصبر ده موجود عند كل الستات، لكن استخدامه ساعات بيبقى نكد، عن تجربتي أنا كانت اختياراتي غريبة جدا، بس كان عندي حاجة مهمة لما بلاقي نفسي في حتة وحشة اختار الشخص اللي استند عليه، وأسلم له دماغي، أنا شايفه هو اللي بيقرر وسايبه، كنت سايبها هي تعمل وتقرر كل حاجة في الشغل، وشفت نتيجة كلامها ونجاحنا سوا".
تم نشر هذا المقال على موقع القيادي
2024-06-22T08:34:09Z dg43tfdfdgfd