بالفيديو: عمرو دياب يعيد توزيع أحدث أغانيه
طرح النجم عمرو دياب اليوم ريمكس مقسوم لأغنية "الطعامة" عبر قناته الرسمية بموقع يوتيوب، من كلمات تامر حسين، وألحان عزيز الشافعي، وتوزيع وسام عبد المنعم، وميكس ماستر أمير محروس.
ومن كلمات الأغنية:
روحي ليك إنت طايرة بترفرف
نفسي تعرف الغلاوة ديا
مانا حياتي لاقيتها بتصفصف
علي حبيبي وروحي وعينيا
أموت أموت أنا في الطعامه ديا
في حاجه بينا حلوة بتريح
في المقابلة باينة اهي عليا
عايز افسر تاني واوضح
ده انت عامل حالة مزاجية
أموت أموت أنا في الطعامه ديا
على شفايفك سيل عسل نقط
لون عيونك جه وقضى عليا
ماهو طبيعي لو الشجر سَقط
عالخد تفاح دي جاذبية
وكان آخر ظهور للنجم عمرو دياب في العرض الخاص لفيلم "ولاد رزق 3 .. القاضية" بالمملكة العربية السعودية، مع الإعلامي عمرو أديب، والذي قال في تصريحات إعلامية عن سبب تواجده: "كلهم أصدقائي وأنا سعيد بيهم لأن العمل ده مختلف وولاد رزق بجزئيه الأول والثاني نجح بشكل كبير، وولاد رزق 3 بالإنتاج اللي شفته بيسموها إنتاج بالصبغة العالمية يفتح نفسنا".
وأضاف عمرو دياب: وأنا بمعرفتي بمعالي المستشار تركي آل الشيخ رئيس هيئة الترفيه كل الأعمال اللي بيعملها بيقدمها بصبغة عالمية، للمزيكا والسينما أنا لسه هشوفه دلوقتي الكواليتي اللي معمول والتريلر حاجات من بره، طارق العريان له باع معايا من زمان، بينه وبينا تاريخ قديم فنيا وموسيقيا أو لنجوم عظام اللي موجدين العمل كله متكامل فرحان إني موجود وأتمنى ليهم التوفيق
فيما تصدر التريند الشهر الماضي بعد صفعه قلم لأحد معجبيه أراد التصوير معه في أحد الأفراح الخاصة، والتي على أثرها أحدثت موجة من الغضب ضد الهضبة.
من ناحية أخرى، يستعد عمرو دياب لإحياء حفل غنائي الليلة، في مراسي الساحل الشمالي، بمشاركة الدي جي العالمي آدم بورت، ومن المقرر أن يقدم عمرو دياب خلال الحفل باقة من أجمل أغانيه القديمة والجديدة والتي يحبها الجمهور.
وكان عمرو دياب، أحيا حفلين في موسم عيد الأضحى، الأول في بيروت السبت 15 يونيو/ حزيران، والثاني الثلاثاء 18 يونيو/ حزيران، في أرينا كوكاكولا دبي.
وطرح الهضبة قبل عيد الأضحى مباشرة أغنيتين هما "الطعامة" و"تتحبي" وتصدرتا تريند يوتيوب وتريند موقع التواصل الاجتماعي إكس.
تم نشر هذا المقال على موقع رائج
2024-06-29T19:47:10Z dg43tfdfdgfd