جيني كامل تعلق على أزمة شيرين عبدالوهاب: «حد يساعدها أو هنصحي يوم نعيط كلنا»

علقت الفنانة المعتزلة جينى كامل، على أزمة الفنانة شيرين عبدالوهاب الأخيرة مع أسرتها، وتداول تسجيلات صوتية مسربة لزوجها السابق الفنان حسام حبيب، والتى تصدرا من خلالها تريند مواقع التواصل الاجتماعى على مدار الأيام الماضية.

وكشفت جينى كامل عن العديد من التفاصيل حول علاقتها بشيرين وحياتها وأسرتها، وكتبت عبر حسابها الرسمي بموقع التواصل الاجتماعى «فيس بوك»: «كلمتين حق لوجه الله، شيرين عبدالوهاب من أكثر الشخصيات شوفتها في الوسط الفني طيبة وجدعة وبسيطة، شقيت كتير من طفولتها ومحدش له فضل عليها غير موهبتها ونفسها بل، بالعكس لها أفضال على ناس كتير، وبدون مقابل، تقريبا أنا الوحيدة اللي هاجمت حسام في أزمتها قدام كل الناس في وقت كل الناس كانت بتقول هيتصالحوا وفعلا أتصالحوا بعدها، قابلتها السنة اللي فاتت في الرياض في حفلة الموجي، في فواصل المطربين حسام شافني خرج قالت له بقولك ايه بتحبني وبتدافع عني إلا چيني».

وأضافت: «فعلا قلت لها لو موتوا بعض أنا مش هتدخل، في أزمتي الأخيرة شيرين من القلائل اللي طلبتني وألحت وقالتلي كلام قمر يضحك موت ويبكي في نفس الوقت صحيح ممكن ما نتقابلش كتير بس ممكن نرغي بالساعات في مكالمة كانت بتهزر على نفسها لأنها كانت أطلقت بالفعل من حسام وسألتها أنتي قاعدة مع مين قالت خلاتي ما تيجي تتعشي معانا، كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط».

وتابعت: «هي فعلًا في أزمة وأنا مش عايزة أعرف مين سبب ولا وقت لوم للبنت، بس وبكل أمانة أنا قعدت مع أمها وأختها وأخوها وما شوفتش منهم غير أنهم ناس طيبين وعايزينها مبسوطة وعند نفس رأيي اللي يشوف مراته حالتها الصحية والفنية بتدهور كده يبقي سبب لأنه كان لازم يكون له دور لانه ولي آمرها، حتي بالعافية، وخصوصا إنها بتحبه وأكيد كانت هتسمع كلامة».

وأكملت: «أنا شايفة ناس نطت من المركب والبنت بتغرق بدل ما نشد أيد بعض أحنا مصممين نغرق بعض، في المواقف دي أنا ما بستأذنش حد أساعده أنا بروح على طول لكن للأسف أنا لا عارفة هي فين ومع مين».

وأختتمت: «في الأخر البنت دي موهبة كبيرة وقبل الموهبة هي إنسانة، أقفوا جنبها ولو في حد منقذ يتدخل بأيده بقى بعقل بفلوس بنفوذ بسلطة يخش يخلص، ده اللي أنا بفهمه، حد يخش يخلص أو هنصحي في يوم نعيط بس كلنا».

2024-06-22T04:24:34Z dg43tfdfdgfd