3 فنانات حرص محمد صلاح على دعمهن
دائما ما يكون اللاعب المصري محمد صلاح المحترف في صفوف نادي ليفربول الإنجليزي، على تواصل مع النجوم، ويظهر هذا من خلال صور ينشرها من لقاءات مع الفنانين أو حتى من خلال مشاهدته للمسلسلات ودعمه لأبطالها.
وهناك مواقف عديدة لمحمد صلاح مع النجوم، قد لا يعرفها الجمهور إلا بعد مرور وقت طويل وظهور النجم يحكي عن موقفه ودعمه له.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وفي السطور التالية نرصد مواقف محمد صلاح مع بعض النجمات لدعمهن.
نرشح لك: كندة علوش تكشف تفاصيل إصابتها بالسرطان: تلقيت الخبر بهدوء وشعري كله وقع
شيرين عبد الوهاب
في عام 2019 كانت الفنانة شيرين عبد الوهاب تمر بأزمة بسبب تصريح قالته في إحدى حفلاتها بالخارج اعتبره البعض إساءة لمصر عندما قالت "أنا خسارة في مصر"، ورغم اعتذارها عن هذا التصريح، لكن نقابة المهن الموسيقية وقتها أصدرت قرارا بإيقافها عن الغناء.
وفي هذا الوقت كشفت شيرين عن تلقيها مكالمة دعم من محمد صلاح، وقالت في حفل كانت تحييه في دبي: "من يومين صحيت على تليفون من حد إنتوا بتحبوه جدا، واتصل عشان ىيقولي إحنا بنحبك، ويسألني أنتِ كويسة؟ … محمد صلاح عايزة أسمع له أحلى تحية".
وفي عام 2022 وبعد أزماتها مع طليقها الفنان حسام حبيب وقيامها بحلاقة شعرها وظهورها بشكل مفاجئ أمام جمهورها، كشفت شيرين عبد الوهاب عن تلقهيا رسالة من محمد صلاح للإطمئنان عليها.
وفي ردها على أسئلة متابعيها عبر Instagram قالت شيرين عبد الوهاب: "صلاح خط أحمر بالنسبة لى وأنا واحدة عارفة قيمته كويس جدا وعلى فكرة لسه باعتلى رسالة بيسأل فيها عليا".
كندة علوش
كشفت الفنانة كندة علوش عن تلقيها مكالمة من محمد صلاح، لدعمها بعد معرفته بإصابتها بالسرطان.
حكت كندة علوش تفاصيل مكالمة محمد صلاح لها وقالت: "أنا مش عارفة هو عايزني أقولها في الإعلام ولا لأ، بس أنا مش هستشيره لازم أقولها عشان دي حاجة أنا سعيدة بيها جدا، عمرو يوسف كان قاعد وجاله مكالمة أثناء فترة مرضي، ولقيته بيقول (آه أزيك، آه طبعا إيه دا، حبيبي لا أنت حبيبي، يا محمد، آه هي كويسة)، ولقيته متحمس أوي، وانا كنت مع العيال فكنت مش رامية ودن أوي، فبعد ما قفل بقول له (مين يا حبيبي)، قال لي (محمد صلاح)، قولت له (مين محمد صلاح)، قال لي (محمد صلاح)، قولت له (محمد صلاح مو صلاح؟)، قال لي (آه، عرف من أصدقاء مشتركين، إنك تعبانة، وجاب نمرتي)".
طالع أيضا: كندة علوش تكشف تفاصيل مكالمتها مع محمد صلاح بعد إصابتها بسرطان الثدي
وأضافت كندة علوش: وبعدها بفترة لقيت عمرو بيتكلم بنفس الحماسة وبينده لي، وأنا بمسك التليفون قال لي "محمد صلاح"، قال لي "طمنيني"، قولت له "أنا كويسة أوي كويسة جدا، ومبسوطة اني بسمع صوتك"، هو كان متفاجيء من نبرة صوتي، وقال لي "لكِ عائلة وبيت، ولو عزتي أي حاجة، وطمنيني وعايز اطمن عليكِ تاني واسمحي لي"، قولت له "أنت عارف معزتك ايه"، هو إنسان حقيقي وبسيط ودور على نمرة ناس مايعرفهمش.
هالة صدقي
وبعيدا عن الأزمات الصحية والشخصية، كان لمحمد صلاح مكالمة خاصة للفنانة هالة صدقي بعد نجاحها الكبير في مسلسل "جعفر العمدة" وشخصية "الملكة صفصف".
ونشرت هالة صدقي صورة من "فيديو كول" بينها وبين محمد صلاح ليبارك لها على مسلسل "جعفر العمدة" وشخصية "صفصف"، كتبت: "العيد عيدين بمعايدة مو صلاح حبيب قلب صفصف من جوه، الملك والملكة لما يعيدوا ويباركوا لبعض لغة ملوك كل سنة وانتوا طيبين، وأجمل عيد لمو صلاح"
اقرأ أيضا:
كندة علوش تكشف تفاصيل مكالمتها مع محمد صلاح بعد إصابتها بسرطان الثدي
شيرين عبد الوهاب: كلام حسام حبيب مضبوط وأخويا محمد باعني ... هناك شخص عايز يقعدني في البيت
جيني تدافع عن شيرين عبد الوهاب: اللي يشوف مراته حالتها الصحية والفنية بتدهور كده يبقي سبب
محمد سعد يعود للسينما مع وائل إحسان بفيلم "دكتور عدوة"
لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5
2024-06-23T10:18:45Z dg43tfdfdgfd