مروة صبري تهاجم سمية الخشاب بسبب تصريحها عن الثانوية العامة: متطلعش من إنسان طبيعي

هاجمت المذيعة مروة صبري الفنانة سمية الخشاب بسبب تصريحاتها عن الثانوية العامة ونصائحها للطلاب التي قالت فيها أن الشهادة لا أهمية لها الأهم هو الحصول على الأموال.

وقالت مروة صبري في برنامجها "قعدة ستات": "الناس في الثانوية العامة بتبقى محتاجة تشجيع ودعم اتفاجئنا بالفنانة المحترمة سمية الخشاب في عز الخوف والرعب والطلاب قاعدين بيذاكروا والأهالي بتدفع دم قلبها على الدروس ومرعوبين على أولادهم ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعلمها قرطاس طعمية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مروة صبري: "أنا قلت الصفحة بتاعتها اتسرقت أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب".

نرشح لك: أحدث ظهور لـ نجل محمد هنيدي (صور)

وأكملت مروة صبري: "أي حد مشهور في المجتمع إحنا بنبقى واخدينه قدوة وبنبقى شايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن اعتقد أن مفيش حد ممكن يأثر فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي".

وأضافت مروة صبري: "إنك تقولي للعيال الغلابة اللي قاعدين بيذاكروا ونفسهم ينجحوا ويعملوا أحسن حاجة والأبهات اللي فلوسهم يا عيني رايحة على الدروس الخصوصية وعايز ابنه أو بنته يبقوا أحسن الناس ويحققوا أحسن النتايج ويدخلوا أحسن الكليات وتطلعي تقوليلي في الآخر هتعملها قرطاس طعمية ولا قرطاس لب دا كلام، للأسف إني اتأكد أن الصفحة بتاعة سمية الخشاب متسرقتش وأن البوست دا هي اللي كاتباه دي من الحاجات الغريبة جدا".

واختتمت مروة صبري كلامها: "متسمعوش كلام سمية الخشاب الشهادة مهمة وبتحدد مصير".

وكانت سمية الخشاب وجهت نصائح لطلاق الثانوية العامة كتبتها عبر حسابها بموقع X قالت فيها: "التعليم مبيحددش لا مصير ولا نيله، بتعرف تجيب فلوس هتعرف تتجوز وتسافر مبتعرفش يبقي الشهادة هتقرطسها وتحط فيها طعمية".

اقرأ أيضا:

رضوي الشربينى تخطف الانظار فى "الجيم" في أول ظهور بعد شائعات عقد قرانها

حرم من رؤية حفيدته وتشاءمت منه مريضاته وعاش في فيلا مسكونة بالعفاريت وباع سيارة عبد الناصر في أزمة مالية … ما لا تعرفه عن عزت أبو عوف

الخريطة المبدئية لـ رمضان 2025 … عودة نجوم وغياب آخرين ومسلسلات الجزء الثاني

فول وطعمية وزفة في شبرا ... حكاية زيارة داليدا لحيها القديم وقت عرض "اليوم السادس"

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5

2024-07-02T09:08:48Z dg43tfdfdgfd